Գրիգոր Մարտիրոսյան (մանկավարժ)
- Վիքիպեդիայում կան հոդվածներ Մարտիրոսյան ազգանունով այլ մարդկանց մասին։
| Գրիգոր Մարտիրոսյան | |
|---|---|
| Ծնվել է | 1924 |
| Ծննդավայր | Լճաշեն, Նոր Բայազետի գավառ, Հայկական ԽՍՀ, ԱԽՖՍՀ, ԽՍՀՄ |
| Քաղաքացիություն |  ԽՍՀՄ |
| Մասնագիտություն | մանկավարժ |
| Պարգևներ և մրցանակներ |   և  |
Գրիգոր Խաչատուրի Մարտիրոսյան (1924, Լճաշեն, Նոր Բայազետի գավառ, Հայկական ԽՍՀ, ԱԽՖՍՀ, ԽՍՀՄ), հայ մանկավարժ։ Հայրենական մեծ պատերազմի մասնակից։
Կենսագրություն
[խմբագրել | խմբագրել կոդը]Գրիգոր Մարտիրոսյանը ծնվել է 1924 թվականին, Սևանի շրջանի Լճաշեն գյուղում։ Գրագիտություն սովորել է տանը, հոր օգնությամբ, այնուհետև սովորել է Երևանի № 6 միջնակարգ դպրոցում։ Ընդունվել է Երևանի պետական համալսարանում, սակայն ուսումը կիսատ է թողել, ուսուցչական աշխատանքի է անցել Սևանի շրջանում։ Եղել է Լճաշենի միջնակարգ դպրոցի ուսմասվար, դասավանդել է պատմություն և աշխարհագրություն[1]։
Գրիգոր Մարտիրոսյանը զորակոչվել է բանակ, սովորել ռազմական ուսումնարանում, ապա մեկնել է ռազմաճակատ, մասնակցել մարտերին, որոնցից մեկում վիրավորվել է և բուժվելուց հետո վերադարձել մարտական շարք, մասնակցել Կուրսկի աղեղի մարտերին, իր ռուս ընկերների հետ «լեզու» է բերել, արժեքավոր տեղեկություններ, հուլիսի 8-ի գիշերը նոր առաջադրանքը կատարելու համար արժանացել է Կարմիր աստղի շքանշանի։ Պարգևատրվել է նաև Հայրենական մեծ պատերազմի առաջին աստիճանի շքանշանով, բազմաթիվ մեդալներով։ Հետագա մարտերից մեկում վիրավորվել է, երկարատև բուժումից հետո վերադարձել է տուն[1]։
Մարտիրոսյանն աշխատանքի է անցել Սևանի շրջկենտրոնի միջնակարգ դպրոցում, միաժամանակ խմբագրել է «Սևանշին» բազմատպաքանակ թերթը, վարել շրջանի ռադիոլիազոր խմբագրի պարտականությունները, ուսումը շարունակել է Երևանի պետական համալսարանում։ Համալսարանում դարձել է անվանական թոշակառու, ընտրվել ֆակուլտետի, այնուհետև՝ համալսարանի կոմերիտական կազմակերպության ազատված քարտուղար։ Հետագա տարիներին ընտրվել է ՀԼԿԵՄ քաղկոմի քարտուղար, գյուղատնտեսական ինստիտուտի կուսկազմակերպության ազատված քարտուղար, մարքսիզմ-լենինիզմի ամբիոնի ասիստենտ, ՀԿԿ Երևանի քաղկոմի պրոպագանդայի և ագիտացիայի բաժնի վարիչ։ Եղել է նաև ՀԽՍՀ մամուլում պետական գաղտնիքների պահպանության գլխավոր վարչության պետ։ Արժանացել է «Պատվո նշան» շքանշանի, ՀԽՍՀ գերագույն խորհրդի պատվոգրի[1]։
Պարգևներ
[խմբագրել | խմբագրել կոդը]- Կարմիր աստղի շքանշան
- Հայրենական մեծ պատերազմի առաջին աստիճանի շքանշան
- «Պատվո նշան» շքանշան